Një histori e pazakontë dhe plot humanizëm ka ndodhur në Tiranë, ku një studente ka ndarë përvojën e saj të veçantë me policinë bashkiake pas parkimit të makinës pranë universitetit.

Për shkak të mungesës së vendeve të parkimit dhe distancës së madhe nga banesa e saj, vajza u detyrua të vinte me makinë. Ajo kishte vendosur në xhamin e automjetit një shënim ku shkruhej:

“Mos ma vendos gjobën, të lutem, jam në shkollë.”

Por ajo që ndodhi më pas e la pa fjalë. Në vend të një gjobe, vajza gjeti një copë letër nga vetë policët, të cilët i kishin kthyer një përgjigje plot humor dhe edukatë:

“Vetëm mëso në shkollë, dhe herë tjetër mëso të parkosh, mike.”

Gjestin e tyre, studentja e përshkroi si një moment të rrallë mirësie dhe mirëkuptimi.

Ajo falënderoi publikisht efektivët:

“Ka akoma policë të mirë që të kuptojnë dhe sillen me zemër. I përshëndes me shumë respekt policët që menduan për mua!”

Kjo ngjarje po shpërndahet gjerësisht në rrjete sociale, duke marrë komente pozitive nga qytetarë që e shohin si një shembull të sjelljes humane dhe komunikimit qytetar në kryeqytet.

Në një kohë kur raportet mes qytetarëve dhe policisë shpesh janë të tensionuara, ky rast ka sjellë një buzëqeshje dhe një mesazh:

Mirësia funksionon.