Një vit pa ty, babë.
Mungesa është e madhe, boshllëku është i gjerë e malli për ty është gërryes, por prapë krenaria për ty i mposhtë të gjitha.
Ky vit i gjatë ishte dëshmia e krejt asaj që më le si trashëgimi. Shtrëngatat ishin të ashpra e të fuqishme, sulmet nuk u ndalën asnjë çast, por vetitë e virtytet që mora nga ti, ishin mburoja ime dhe ashtu siç ti deshe e do të doje, unë triumfova e dola i pathyeshëm.
Krejt çfarë jam unë sot, është ajo çfarë kam trashëguar nga ti. E, në përvjetorin e parë të mungesës tënde, fitoren në betejën më të ashpër të jetës, ta dedikoj ty, baba Skendë!
