Një incident i papritur ka tensionuar atmosferën në shtëpinë e Big Brother VIP Kosova, ku protagoniste janë bërë dy nga banoret më të përfolura, Dolce dhe Alba.

Gjithçka nisi nga një debat verbal gjatë bashkëjetesës së përditshme, pas një komenti të Albës që u interpretua si provokues nga Dolce. Shkëmbimi i fjalëve u përshkallëzua për disa çaste, duke e bërë situatën gjithnjë e më të nxehtë.

Sipas pamjeve të transmetuara, debati kaloi kufijtë e komunikimit verbal, pasi në një moment pati edhe kontakt fizik, çka detyroi banorët e tjerë të ndërhyjnë menjëherë për të ndarë palët dhe për të shmangur agravimin e mëtejshëm të situatës.

Pjesë nga debati i kapur nga kamerat:

Dolce: “Me ujë mos lag, pse më lag?! Mos më lag pellushin!” Alba: “Dua ta lag.” Dolce: “Ti jashtë ke për të kërkuar falje. Ti, po!”

Pas ndërhyrjes së banorëve, situata u qetësua, por tensioni mes dy vajzave mbeti i dukshëm edhe më pas. Atmosfera në shtëpi u ndje e ngarkuar, ndërsa konkurrentët e tjerë u treguan më të kujdesshëm në komunikim.

Mbetet për t’u parë nëse ky incident do të ketë pasoja nga produksioni apo nëse do të mbetet një episod i izoluar në dinamikën e lojës, ndërkohë që publiku po e ndjek me interes zhvillimin e marrëdhënies mes Dolces dhe Albës.