Pas intervistës së bujshme të Bes Kallakut, ku aktori hodhi akuza të forta dhe deklaroi se “e shkuara ka vdekur”, duket se këngëtarja Xhensila Myrtezaj ka zgjedhur të reagojë publikisht, por në mënyrën e saj – përmes muzikës.

Deklaratat e Besit, ku ai u shpreh se “i kam dhënë dorën dhe bukën” dhe foli për zhgënjimin nga njerëzit e afërt, u interpretuan gjerësisht në rrjet si mesazhe të koduara drejtuar ish-bashkëshortes së tij. Vetëm pak kohë më pas, Xhensila ka ndarë në “Instagram” një video nga një prej koncerteve të saj, duke zgjedhur me kujdes momentin kur këndon vargjet:

“Xhelozon, mashtrues ti je.”

Ky veprim nuk kaloi pa u vënë re nga ndjekësit, të cilët menjëherë nisën ta interpretojnë si një kundërpërgjigje të drejtpërdrejtë ndaj deklaratave të Bes Kallakut. Mes qindra momenteve muzikore që mund të kishte ndarë, zgjedhja pikërisht e këtyre vargjeve ka nxitur diskutime të shumta në rrjet.

Fansat janë ndarë në dy kampe: disa e shohin postimin si një reagim të qartë dhe të qëllimshëm, ndërsa të tjerë mendojnë se Xhensila thjesht po promovon muzikën e saj pa dashur të hyjë në polemika publike.