Viteve të fundit ne Kosovë është vërejtur fenomeni i rritjes së madhe të sektorit të teknologjisë së informacionit dhe komunikimit (ICT), veçanërisht në mesin e te rinjve kosovarë. Ky sektor duket se po lulëzon çdo ditë e më shumë, përkundër gjendjes së rëndë ekonomike dhe politike në vend, shkruan Gazeta Metro.
Të rinjtë në Kosovë kanë filluar të interesohen goxha shumë ne këte sektor te rëndesishem per kohën në të cilën jetojmë, edhe pse sistemi arsimor nuk u ofron atyre kurrfare pergatitje per një të ardhme në teknologji.
Ndonëse ekonomia ne vendin tonë nuk po shënon ndonjë ngritje serioze, me pagën mesatare neto që raportohet te jetë rreth 500 euro sipas Agjencisë së Statistikave të Kosovës, ICT-ja perbën perjashtim nga ky “rregull” i zymtë.

Pa lënë anash sfidat e shumta dhe perkrahjen e vogël nga qeveria, sektori i teknologjisé po arrin te kete depërtim tejet të shpejtë në treg, duke ofruar mundësi dhe paga të larta per punetorët e rinj.
Sipas matjeve te fundit në mesin e atyre që janë në marrëdhënie pune me kompanite e teknologjisë në
Kosovë, paga mesatare eshtë 1 mijë e 90 euro në muaj.
Ne nje debat interesant per inovacionin dhe teknologjinë në Kosovë, Shpend Lila nga Qendra Inovative e Kosovës (ICK) tha se ky sektor ka rritje organike, pra si rrjedhojë e aftësisë dhe meritës së vetë inovatorëve, por jo me perkrahje nga shteti.
Pra, ne nje kohe kur vendi eshte i mbuluar nga kriza politike me tërë vitin 2025 pa qeveri efektive, sektori i teknologjisë, ndoshta i vetmi, po arrin të korrë suksese dhe të shndërrohet në motor serioz të ekonomisë dhe punësimit, posaçërisht për të rinjtë.