Gazetarja dhe panelistja e emisionit “Zanat”, Paulina Nushi, ka reaguar sot pas lajmit të ndarjes nga jeta të këngëtarit Shpat Kasapi. Postimi i saj në rrjete sociale ka hapur diskutime, pasi Nushi nuk është ndalur vetëm te ngushëllimet, por ka sjellë në vëmendje edhe një deklaratë të vjetër të artistit.
Në reagimin e saj, Nushi shkruan se respektin ndaj Kasapit e ka humbur “kur ai kishte deklaruar se kishte ushtruar dhunë ndaj ish-të dashurës”.
Ajo kujton një intervistë të tij, ku sipas saj ai kishte treguar një qasje që normalizonte dhunën ndaj grave, duke e quajtur këtë mendësi të përhapur te një pjesë e meshkujve shqiptarë, shkruan “Kosovarja”.
Megjithatë, gazetarja thekson se lajmi për vdekjen e tij e ka tronditur, sepse, siç shprehet ajo, “është shuar një jetë e re, një baba dhe një djalë i dikujt”. Ajo i ka shprehur ngushëllime familjes së Kasapit./Kosovarja/
