Viti 2026 parashikohet të jetë një vit transformimesh të thella për të gjitha shenjat e horoskopit. Ky vit do të vërë në provë qëndrueshmërinë, maturinë dhe guximin tonë për të lënë pas gjithçka që nuk ka më vlerë në jetën tonë. Energjia e vitit të ri sjell frymëzim për projekte të reja, vendime të guximshme dhe një forcë të brendshme për të ecur përpara. Sipas astrologes Meri Shehu, dy shtyllat kryesore të vitit 2026 do të jenë fati dhe qëndrimi me këmbë në tokë. Ku do të pozicionohet secila shenjë mes këtyre dy energjive? Ja renditja e saj tradicionale:

12. Bricjapi

Pas shumë vitesh të mbingarkuara nga ndikimi i Plutonit, Bricjapët hyjnë në 2026 me një ndjesi çlirimi. Plutoni tashmë ndodhet te Ujori, duke u hapur rrugë ndryshimeve pozitive financiare. Megjithatë, Saturni dhe Neptuni që udhëtojnë në Dash gjatë muajve mars–tetor sjellin sfida të mëdha në karrierë dhe familje. Bricjapët do të detyrohen të përballen me përgjegjësi që nuk i kanë marrë më herët, ndërsa shëndeti emocional dhe ai fizik kërkon vëmendje të veçantë. Verës, ndikimi i Uranit në Binjak sjell ndryshime rrufe në punë — pozicione të reja, projekte të papritura, apo edhe rikthime tek e vjetra në fund të vitit.

11. Shigjetari

Për Shigjetarët, 2026 është vit lëvizjesh të forta në marrëdhënie dhe projekte personale. Eklipset e marsit dhe shtatorit i nxisin të largohen nga lidhjet e konsumuara ose bashkëpunimet që nuk funksionojnë më. Nga qershori deri në nëntor, me Uranin te Binjakët, dëshira për pavarësi rritet ndjeshëm. Saturni dhe Neptuni në Dash e fokusojnë energjinë e tyre në një talent të veçantë, një pasion krijues apo një lidhje që mund t’i obsesionojë. Fundi i vitit sjell disa pasiguri profesionale tek ata që s’kanë arritur ende objektivat e vitit.

10. Dashi

2026 nis me një ngarkesë të fortë shpirtërore për Dashin, për shkak të kalimit të Saturnit në Peshq. Ky vit për ta është një provë rezistence dhe maturie. Dashët do të testohen psikologjikisht dhe do të duhet të menaxhojnë më mirë energjinë e tyre. Nga qershori në nëntor, me largimin e Uranit nga Demi, çlirohen financiarisht dhe fillojnë të komunikojnë më hapur me të tjerët. Jupiteri në Gaforre sjell stabilitet familjar dhe mundësi të mëdha për shtëpi apo investime të pronës.

9. Demi

Pas 7 viteve trazira me Uranin në shenjë, 2026 u jep pak frymëmarrje. Nga qershori e deri në nëntor, Demat stabilizohen financiarisht dhe ndihen më të sigurt. Por Saturni në shtëpinë e 12-të sjell sfida të padukshme: presione në punë, intriga dhe lodhje mendore. Shëndeti kërkon vëmendje të madhe sidomos nga fundi i marsit deri në vjeshtë. Megjithatë, aspektet emocionale përmirësohen nga mesi i vitit.

8. Luani

2026 është viti parapërgatitor për një bum të madh në 2027, kur Jupiteri hyn në shenjën e tyre. Luanët çlirohen nga problemet profesionale që i kanë stresuar prej vitesh, ndërsa Uranin te Binjakët i fut në një fazë të re komunikimi dhe bashkëpunimesh. Mund të ketë udhëtime të shumta, vendime për studime ose emigrim dhe lidhje të reja romantike. Ekonomikisht duhet kujdes sidomos gjatë eklipseve të marsit dhe shtatorit.

7. Peshqit

Saturni dhe Neptuni largohen përkohësisht nga shenja e tyre, duke u dhënë Peshqve një frymë të re lehtësimi. 2026 fokusohet te financat: fitime, humbje dhe riorganizime të mëdha. Kujdes i veçantë duhet në marrëdhëniet në mars dhe shtator për shkak të eklipseve. Urani në Binjak i shtyn të ndryshojnë mënyrën e jetesës, banesën ose partneritetet. Nga vera, Jupiteri në Gaforre sjell një periudhë të artë në dashuri dhe krijimtari.

6. Virgjëresha

2026 nis pozitivisht falë Jupiterit në Binjak që u jep Virgjëreshave shtysë profesionale. Nga shkurti deri në qershor mund të marrin oferta të rëndësishme pune. Kalimi i Jupiterit në Gaforre rrit mbështetjen sociale dhe emocionale. Urani në Binjak sjell mundësi për ndryshime të papritura në karrierë dhe jetesë. Megjithatë, çështjet financiare duhet të menaxhohen me kujdes. Marrëdhëniet romantike kanë shanse të mëdha për t’u rinovuar.

5. Akrepi

Akrepat do të fokusohen fuqishëm në punë, me një lodhje të ndjeshme për shkak të Saturnit dhe Neptunit në Dash. Megjithatë, periudha qershor–nëntor sjell stabilitet në jetën personale dhe profesionale, pasi Urani largohet nga Demi. Jupiteri dhe Urani në Binjak i përfshijnë në projekte financiare fitimprurëse dhe një lidhje të fortë emocionale. Kujdes: shëndeti mund të lodhet nga ritmi i lartë.

4. Ujori

Pas shumë viteve me Plutonin në hije, Ujorët hyjnë në 2026 më të fuqishëm se kurrë. Ky është viti i ngritjes së tyre. Jupiteri në Gaforre u sjell mbështetje për punën dhe stabilitet ekonomik. Uranit në Binjak (qershor–nëntor) i ndez energjitë krijuese, flirtet dhe projektet artistike. Në nëntor, rikthimi i Uranit në Dem sjell rishikime në shtëpi dhe karrierë, por jo pengesa të mëdha.

3. Binjakët

2026 e nisin me Jupiterin në shenjë, që u largon pengesat e vitit të kaluar. Saturni në Dash u jep forcë për të marrë rreziqe profesionale dhe për t’u larguar nga situatat e paqarta. Që nga qershori, Uran në shenjë i fut në një fazë modernizimi total: projekte të reja, udhëtime, zhvendosje dhe ndryshime jetësore rrënjësore. Pjesa e parë e vitit mund të ketë luhatje ekonomike, por Gaforrja i balancon në verë.

2. Gaforrja

Edhe pse viti nis i ndërlikuar për shkak të ndikimit të Marsit dhe Saturnit në karrierë, Gaforret do të shpërthejnë në zhvillim nga qershori. Jupiteri në shenjë i hap rrugën ndryshimeve të mëdha në punë, shtëpi dhe jetë personale. Urani në Dem krijon disa tronditje emocionale, por vetëm për t’i shtyrë drejt një rruge të re.

1. Peshorja

Shenja më me fat e 2026. Jupiteri në Gaforre u hap dyert e suksesit në karrierë dhe në jetë personale. Saturni dhe Neptuni në Dash i nxisin të bëjnë marrëveshje të rëndësishme, martesa ose partneritete të fuqishme. Uran në Binjak sjell projekte të reja, njohje dhe udhëtime. Edhe pse pas nëntorit ritmi i punës rritet, Peshoret do të shkëlqejnë dhe do ta ndiejnë fatin pranë në çdo hap.