Modelja dhe krijuesja e përmbajtjes në “OnlyFans”, Bia Khalifa, e cila prej ditësh është pjesë e reality-show-it “Big Brother VIP Kosova 4”, ka shkaktuar sërish bujë me një deklaratë të papritur që ka vënë në lëvizje rrjetet sociale.

E njohur për provokimet, stilin e çlirët të të shprehurit dhe qëndrimet e drejtpërdrejta, Bia këtë herë nuk u kthye tek temat e zakonshme.

Në mes të një bisede brenda shtëpisë, ajo përmendi emrin e kryeministrit të Shqipërisë, Edi Rama, duke pretenduar se ka njohje dhe komunikim me të.“Kam shumë informata që kam marrë nga Edi Rama. Kam pasur me të shumë biseda intelektuale,” – tha Bia me bindje.

Sipas saj, gjatë këtyre bisedave ajo ka marrë detaje specifike që lidhen me Shqipërinë, madje ajo deklaroi:

“Më tha që qyteti i tij i preferuar është Vlora dhe se po rregullon rruga e rrugica.”

Kjo deklaratë e guximshme, e bërë para kamerave dhe publikut të gjerë, ka hapur menjëherë debate si brenda shtëpisë, ashtu edhe në platforma online.

Ndjekësit janë ndarë mes dyshimeve, ironisë dhe kuriozitetit për vërtetësinë e kësaj njohjeje të pretenduar. Disa e shohin si strategji lojërash për vëmendje, ndërsa të tjerë e komentojnë si provokim tipik të stilit të saj.
A është e vërtetë kjo histori apo thjesht një taktikë për të bërë zhurmë? Publiku tashmë po pret me interes reagime të tjera, ndërsa Bia duket se po e shfrytëzon maksimalisht çdo mundësi për të qenë në qendër të vëmendjes.