Aktori i humorit Bes Kallaku ka prekur publikun me një dedikim të ndjerë në kujtim të këngëtarit të ndjerë Shpat Kasapi, i cili u nda nga jeta në moshën 40-vjeçare.

Në një video arkivore të publikuar në rrjete sociale, Besi dhe Shpati shfaqen duke qeshur, duke bashkëbiseduar dhe përqafuar njëri-tjetrin, duke dëshmuar lidhjen e fortë miqësore që ata ndanin prej vitesh.

Krahas pamjeve emocionale, Kallaku ka shkruar:

“E mor Shpat vëllai…”

një mesazh i shkurtër, por që mbart dhimbjen e madhe të humbjes së mikut të tij.

Postimi është shpërndarë gjerësisht nga ndjekësit, të cilët vazhdojnë të kujtojnë me mall dhe respekt artistin e dashur, i cili la pas një boshllëk të madh në skenën muzikore shqiptare.