Tiktokeri i njohur kosovar, Egzon Sahiti, ka ndarë së fundmi një video gazmore që po qarkullon me shumë shpejtësi në rrjetet sociale.

Në të shfaqet Eduard Kuci, tashmë një nga banorët më të komentuar të edicionit të ri të Big Brother VIP Kosova 4.

Ajo që e bën videon edhe më interesante, është fakti se xhirimet janë bërë para se Eduardi të bëhej pjesë e shtëpisë më të famshme në vend.

Në skenën e publikuar, Egzoni dhe Eduardi zhvillojnë një bisedë sikur të dinin paraprakisht se çfarë po ndodhte brenda lojës – një situatë ironike që sot po duket edhe më komike duke pasur parasysh zhvillimet aktuale në BBVK4.

Egzoni shfaqet duke e telefonuar “Edin”, ndërsa ai flet sikur të jetë brenda shtëpisë dhe të komentojë ngjarjet e lojës.

Ky detaj ka bërë që ndjekësit të reagojnë me shumë të qeshura, duke e cilësuar videon “parashikuese”, madje disa komente humoristike kanë thënë se Eduardi e ka ditur që do të bëhej banor që më herët.

“Telefonata e parë me Edin”, ka shkruar Egzoni në përshkrimin e postimit, duke lënë të kuptohet se kjo ishte vetëm një ide humoristike, e cila sot po duket si një ‘rastësi perfekte’.

Videoja tashmë ka marrë qindra reagime dhe shpërndarje, duke u kthyer në një hit të vogël në rrjet.

Më poshtë mund ta shikoni videon: (video)